Mizo Elite News hi ṭha i tihzawng a nih chuan min lo Follow dawn nia

A Thenawm Tunu Kum 4 Mi A Pawngsual Vangin Thi Tura A Chungthu Rel A Ni

China rama pa pakhat kum 54 a upa Liu tia koh chuan a thenawm tunu kum 4 mi lek chu an chenna in atanga ru bo in a pawngsual tih hriat a ni.

He thil hi August thla a thil thleng kha a ni. Hmeichhe naupang a sual tak hi Yan Yan tih chauha tarlan a nia, sual a tawh vang hian a kaw chhunglam ah hial hliam neih phah in ICU ah damchhuak tura a nun a sual mek thu a pa chuan a sawi bawk.

Hmeichhe naupang hi August 29 khan a chhungte chuan Police hnen ah a bo thu an thlen a, Yan Yan hi a bo hma lawk hian Liu hi an chenna in ah in tur lama a kal thu an sawi. A bo tuk ah chuan an in ah hruaiin naupang hi a thuamhnaw ah thisen hmuh a ni a, hliam nei bawk in a chhungte ngaih a tha lo. Hemi ni vek hian Liu hi Police ten an man nghal.

Yan Yan hi Hospital a hruai a enfiah a nih chuan a na tak zet a ni tih an hmuchhuak a, a kal (kidney) hial a khawih. Police ten Investigation an nei nghal a Liu hian hmeichhe naupang hi a chhungte lak atanga a lakhran hnu ah construction site kianga tuihawk luanna (drainage ditch) ah a pawngsual tih a inpuang.

Liu chungthu hi Harbin, north-eastern China a Court ah ngaihtuah a ni a,death penalty siam a ni. A hma pawh in Liu hian tualthah leh pawngsual chungchang ah thubuai a nei tawh tih hriat a ni bawk.

DM