Mizo Elite News hi ṭha i tihzawng a nih chuan min lo Follow dawn nia

A Tet Laia Fa Atan La Tu Nupa Te Chu Chenna In Lian Tak A Lei Sak

Thisen zawm pawh nilo chung a hmangaih taka a tette atanga lo enkawl seilian tu leh nu leh pa hial atana a neih te hnen ah chuan an enkawl puitlinna vanga a lawmzia lan tir nan thilpek ropui tak a pe.

He tlangval Jayvee Lazaro Badile II hi thla 3 a nih in nupa tuak khat Nanay leh Tatay te chuan fapa atan la in an enkawl a, chhungkaw harsa tak atangin an theihtawp in an fapa Jayvee Lazaro Badile II tan hian an inhlan a ni.

Nanay hi vendor a ni a, Tatay hi porter in thil semkual in hna a thawk. Chenna in tha em em lo bathroom pawh pakhat chauh awmna rangva in hnuai ah chuan chhungkaw inngaitlawm tak atang a seilian.

Nanay leh Tatay te nupa hi mi hausa nilo mahse an fapa tan hian an engkim a engkim an hlan a, a mamawh leh duhzawng te chu an tihsak hram hram thin. Hun leh ni te a liam zel a, Lazaro Badile II pawh in puitlin lam pan chho in a chunga thil thleng te chu a rawn hrethiam tan chho a, nu leh pa atan a neih mek te chu a hringtu dik tak te an nilo tih a hrechhuak.

Mahsela a sen lai atanga lo enkawl tu te an nih vangin thisen inzawm an nih lohna chuan an inkar a tihchhiatphah lo. Tihchhiat a hnek in Jayvee Lazaro Badile II hian Nanay leh Tatay nupa chungah hian khang hun chhung zawng an fa dik tak anga an enkawlna ah lawmthu a hrilh.

A lawmzia lantirin chenna in thar mawi leh nalh tak mai chu a present hmiah. Lazaro Badile hian Facebook kaltlangin a nu leh pa te hnen ah chenna in thar a lei sak thu hi a sawi a, a nu kum 67 tlin lawmna ni pah fawm in In hi a lei tih a sawi.

“Nanay leh Tatay te hian fa atan min la a, harsa tak karah min enkawl seilian a ni. Tunah chuan an tan thil ka tih let sak ve thei ta” tiin a sawi. Chenna in thar a lei hi chhawng 3 a ni a, bedroom ringawt pawh 7 lai a awm. Tin, chenna in thar a lei sak mai bakah hian khawvel hmun hrang hrang ah a nu leh pa te hi a zinkual pui bawk.