Mizo Elite News hi ṭha i tihzawng a nih chuan min lo Follow dawn nia

A Serh Chungchanga Thil Hriat A Duhna Lamah USB Cable Thunin A Titang

Hmun hrang hrang ah hian thil thleng mak leh dangdai tak tak hriat tur hi a awm a, a then te phei chu awih harsa khawp hial te a ni.

United Kingdom ah rawlthar pakhat a hming tarlan loh kum 15 upa chu a englo ah thil nilo pui a lo thun avangin hmanhmawh tak a emergency surgery a ngaih phah tih hriat ani.

He rawlthar hian chi inthlahchhawnna lam thil chungchang a ngaihtuah thuk hle a, ngaihtuah mai duh tawk lovin amah ngeiin tihchhin duhna a neih phah. A serh chu a sei lam teh a duh ta tlat a, USB cable rawlh in a tang zui ta a ni.

Vanduaithlak takin a phawrhchhuak leh thei silo a, mangang takin a lo awm phah. Thi a a zunchhuah hnu ah damdawiin ah hruai a ni a, hmanraw hrang hrang hmanga an beih hnu pawh in an phawrh thei mai lo. University College Hospital London ah a serh a thil tang phawrhchhuak tur hian transfer a ni.

Mipa naupang hi a chunga thil thleng ah hian a hlauthawng hle tih an sawi. Vanneihthlak takin USB Cable hi phawrhchhuah sak a ni a, damdawiin atang hian chhuah tir a ni tawh bawk.

Hetiang a serh a thil rawlh luh chin hian zun kawng ah harsatna leh hliam na tak a thlen thei a, a hlauhawm hle thu London andrologist Amr Raheem chuan MailOnline te a hrilh a ni.