Mizo Elite News hi ṭha i tihzawng a nih chuan min lo Follow dawn nia

A Ruang Tello In A Nu Leh Pa Leh A School Kalpui Ten An Thlahliam Ta

Nu leh pa tan chuan a va na ngawih ngawih dawn tak em. An fanu chetsualna vanga boral chu a ruang dai pawh hmu lovin a vuina leh thlahna hun an hmang.

Serchhip tleirawl Lalngaihdami, kum 14 hi a chetsual aṭanga ngawrh taka zawn a nih hnu ah hmuh a ni lo. Mizo dana ni 7 chhung zawn a nih hnu ah pawh hmuh ala nih tak loh vangin a ruang tel lovin a vuina hman mai a ni ta a ni.

Vuina hun ah hian School a a kalpui zirlai dangte leh an zirtirtu te chuan pangpar nen Angaihi nu leh pa te hi thlalak puiin an zirlai pui Angaihi hi an thlahliam.

He thil hi October ni 8 kum 2020 a thleng a ni a. New Serchhip IOC Gosen Veng hmeichhe naupang Lalngaihdami(Angaihi) kum 14 mi hi a thiante mi 5 nen Tuikum luia cheng turin an kal a. Vanduai thlak takin tuiah chuan an tla a, midang erawh eng tin tin emaw nunna ém chân lovin an in chhanchhuak a. Mahse Angaihi hi vanduai in a thawm/chanchin hriat tur awm lovin a reh zui ta a ni.

Mizo News