Mizo Elite News hi ṭha i tihzawng a nih chuan min lo Follow dawn nia

A Rualin Hmeichhe Pahnih Te Chu Nupui Atan A Nei, En Thlithlai Zui An Ni Nghal

He inneihna hian Internet ah sawi a ti tam hle a, nupui atan pakhat mai nilo in pahnih a la ni zui kher a. Chuta chhapah hripui Covid19 vang a inkharkhip neih lai a lo ni leh zel bawk.

India ram Madhya Pradesh a Keria village of Ghodongri tehsil of Betul district ah Sandeep Uike tia koh chuan a rual in hmeichhia pahnih te chu nupui atan a nei a, inneihna ah hian chhungkaw member bakah khaw miten an ṭawiawm bawk.

July.8 ah khan inneihna hi hman a ni. A nupui te zinga pakhat hi Hoshangabad district a mi a ni a, pakhat leh hi Ghodongri tehsil a Koyaliari village a mi a ni ve thung.

Hetia nupui pahnih a neih chhan chu Bhopal a lehkha a zir laiin Hoshangabad mi hmeichhia nen hian an intawng a mahsela a chhungten Koyalari village a mi hmeichhia nen innei turin thu tlukna an lo siam.

Hei vang hian Panchayats chuan an chhungkaw 3 te hi ko khawm in an buaina hi an chingfel a, a nupui pahnih te hian awm ho chu remti ve ve in a rualin nupui atan hian a nei ta a ni.

Mahsela coronavirus pandemic laia function huaihawt hi permission awm loh chuan khap bur a ni. Administration hnen ah function neih a nih dawn chuan phalna lak ngei a tul. Ghodadongri Tehsildar Monika Vishwakarma chuan he inneihna ah hian engmah permission pek a nih loh vangin official te en thlithlai tura tirh an ni tih a sawi.

India