Mizo Elite News hi ṭha i tihzawng a nih chuan min lo Follow dawn nia

A Ruala Naute Pathum A Hrin Te Chu Covid19 An Positive Vek, Mak Tih Pawh Hlawh

Nausen Covid19 vei kan hre zeuh zeuh tawh a, thil mak hran pawh a ni lem lo. Mahsela tun ṭuma mi hi chu Medical lam te pawn mak an tih leh a ngaihna an hriat loh thil a tling pha ve tlat.

Mexico ah chuan nu pakhat in a rualin naute 3 phir (triplets) a hring. Heng nausen pathum te hi June 17 khan central Mexican state of San Luis Potosí ah an piang a ni.

An pian hnu lawkah Covid19 an test chuan mak tak maiin heng nausen pathum te hian hripui Covid19 veiin an lo positive vek.

Naute hi mipa 2 leh hmeichhia 1 te an ni. Hri an vei tih hriat a nih chuan Medical lam pawn mak an ti a, a nu leh pa te test an han neih chuan an negative ve ve bawk.

Naute te hi an pian aṭanga darkar 4 ah test hi an nei a, State Health Secretary Mónica Liliana Rangel Martínez chuan naute te hi an pian hnu a hri hi an kai a nih chu a rinawm loh thu a sawi bawk.

Medical team te chuan hriatchhuah tum in an chhui a, hetiang case hi vang tak a ni. Naute te hian an pian hnua hrivei dangte nen an inhnimhnaih chuan hri an vei thei a,nu in hri veia naute a puma ala pai laiin via the placenta in a hlan chhawng thei bawk.

Mahsela a nu leh pa te hi an negative tlat bawk si a, chu chu buaina a ni. An sawidan chuan naute nu hi negative mahse hri hi veiin a symptom hi a langchhuak lo zawk ani thei em an ti. Health Secretary Monica Rangel chuan dinhmun hlauhawm takah erawh an awmloh thu a sawi.

BBC tarlan dan chuan naute mipa leh hmeichhia te hi San Luis Potosí state a damdawiin ah awmin an dinhmun a ṭha a, naute mipa dang pakhat hi respiratory lamah treatment a dawng mek.

Worldometers tarlan danin Mexico ah hian Coronavirus case 202,951 awm tawhin mithi hi 25,060 an nei tawh.

BBC