Mizo Elite News hi ṭha i tihzawng a nih chuan min lo Follow dawn nia

A Rila Rah A Fapa Ngei Chu Hralhin A Hralhna Atanga Pawisa A Hmuh Chu A Nupui Thar Zinkual Pui Nan A Hmang

Zhejiang, China a cheng pa pakhat chuan a thisen zawm a fapa ngei kum 2 a upa chu pawisa ah chantir in midang hnena a hralh vangin man a ni tih hriat a ni.

SCMP te tarlan danin Xie tia koh hian a nupui hmasa nena an inthen hnu ah an fapa Jiajia chu enkawl phalna a nei a,a nupui in an fanu a enkawl ve thung a ni.

Xie hi hmun dangah hnathawk in a buai thei hle a, a fapa Jiajia pawh enkawl tha thei lovin a unaupa Lin enkawl turah a dah deuh tawp a,Huzhou City a an chenna ah a lo hnuchhiah thin. A nupui nei an inthen atang hian hmeichhe dang kawp kualin nupui a nei leh bawk.

Nikhat chu Lin hnen atang Xie hian a fapa hi a la a, an bul ah chuan a nu in hmuh a duh ve thu in a hrilh a ni. Mahsela ni tam tak a liam hnu ah pawh Jiajia hi a let leh ta reng reng lova, Xie hnena a zawh lahin a chhang duh silo. Lin ngaih tha lo chuan Police lam te a pun ta ringawt.

Police ten a fapa chungchang an zawh chuan a nu a lo hmuh tir reng reng lo a, a fapa chu Changsu, Jiangsu province a nupa tuak dang hnen ah 158,000 yuan a a hralh thu sawiin a pawisa hmuh chuan a nupui thar zin thawnven puiin tour a lo neihpui hem hem mai a nih chu.

Xie leh a nupui thar te hi an inhmu thiam lo fo thin tih hriat a ni a, an harsatna hnawhkian a a nupui tih lawm nan a fapa ngei chu a zuarta tih an sawi. A fapa hralhna pawisa hi a thian te ho hma ah intihtheih nan tak a lo hmang.

Vanneihthlak takin Jiajia hi him dam taka chhanchhuah leh a ni a, a pateLin kiang ah hruai let a ni tawh. Xie leh a nupui thar te lakah hian thubuai rit tak awrh tir an ni.