Mizo Elite News hi ṭha i tihzawng a nih chuan min lo Follow dawn nia

A Ramin A Kohna Hria In Miss A Nihna Lallukhum A Dah Ṭha

Miss England 2019 atan a thlan Bhasha Mukherjee chuan Coronavirus vanga United Kingdom in harsatna lian tak a tawh mek chu a haider thei lo. Miss a nihna chu dah ṭha in a Crown a hlih hnu ah Doctor hna chhunzawm tura thu tlukna siam in UK ah a let.

December thla 2019 a competing a neih hma khan junior doctor a ni a, pageant a a zuan luh tak avang hian a hna chelh lai chu a chawl lai lawk. Charities hrang hrang ah ambassador tura sawm a ni nghe nghe. Charity lam ah a phak ang tawk in a in hmang a, a hna hi kum in August thleng hian chawlh a lo tum rilruk a ni.

Mahsela Coronavirus vang in khawvel pum ah buaina a awm a, a ram United Kingdom ngei pawh in harsatna lian tham tak a hmachhawn mek a, a hnathawhpui te aṭang chanchin hre zel in a haider thei lo. Mitam tak tan malsawmna a nih theih nan a Crown chu a hlip ta rih a, a hna a chhunzawm dawn.

Tun hun hi a degree neih chhan a ni a ti a. Miss a nihna title aiin puihna kawnga ke a penchhuah chu tuna England in a mamawh leh pawimawh a nih thu a sawichhuak.

Bhasha hi India ram ah pawh a rawn kal a, UK lama a kir hnu hian Pilgrim Hospital a doctor hna a zawm hma in him zawkna turin a inkhunghrang ve mek. Amah hi respiratory medicine a specializes a ni.

WOB