Mizo Elite News hi ṭha i tihzawng a nih chuan min lo Follow dawn nia

A Ramchhan Na Lama Nunna Chan Sangtea Vuina Ah A Thianpa Thlahna In Mite A Vel Tap, Thil Thlen Dan Chungchang A Sawi

Tlangval Sangtea hian March 28 khan Kalemyo ah a ram chhan in a nunna a hlan a, ni 29 khan ropui taka a vuiliam a ni.

Sangtea hi fapa mal a ni a, a nu leh pa te innghatna ber a ni. A chhungte tan pawh rilru a na in a chunga thleng hi hriatthiam a har hle ngei ang. A vuina a a thianpa tah hla zet chuan mite a vel tap nasa hle bawk a, thil thlen dan chungchang hetiang hian a rawn tarlang a ni.

Tahan khua mai ni lo kan ram(Myanmar)țhianchhan thihngam mihuaisen Pasalțha Zosangliana (Sangtea/Valtea)hi kei mahni nen ram zalenna tura sual tlang kan nia. Min kalsan dan hi chiang taka in hriat ka duh vangin ka rawn tarlang tawp mai dawn a ni.A chanchin tlem a zawng chauh a mah sûn niah ka sawi lang a vangin ka in thiam loh em em a.Eng tin nge ni ang aw ka tih laiin he Group hi ka rilruah a rawn lang lian thuta. A Pa hnenah ka zawta Group ah a chanchin chiang zawkin ka tar lang ange ka tia.E…tar lang ngei ngei rawh min tia.Chuvangin phalna thlap in ka rawn tar lang dawn a ni.Chumi hma in min peih loh san hmaa thu min hnut chhiah te kan tar lang lawk ang e.

“Fapa mal ka nia ka hlau ve tho,mahse kei ni kan chhuah loh chuan tu nge chhuak ang’

“Thih leh thih dam leh dam,ka lo boral ve a nih chuan ka School kal puite leh ka țhian te kha in kutah ka dah a nia.Chuan min țawngțai pui bawk ula.Hre lo te in lo awm palh takin Myanmar ah hian mi800 lai boral tawha ka lo boral a nih chuan Hla min lo phuah sak dawn a nia”

“Keini kan kal loh te’n tunge kal chuang ang,thih leh ram tan a ni mai”

He mi ni 28.3.2021 hian zingah țhian ho ka in sawm khawma tichuan an mahni in a țang ngei in kan chhuak țana beisei pawh a sang khawp mai.A hmun kan thlenga kan zawm ve nghal mai a.Chawfak hun a rawn ni a a hnenah chuan ”Sangte kan hawng mai dawn em ni ka tia.A…a tawp thlengin kan awm ang” a ti tlat a.Ti chuan 4:48 pm ah chiah kan in bei țan tak taka a ni kha kan hmaah a awm reng emaw ka tia ani kan sirlam fit 8 vela hlaa Cocktail(ပုလင်းဗုံး) a lo vawm ngat ngat mai.

Chutia mahni tihtur țheuh kan tih mek lai chuan kan sira mipakhat a tlu a nia tih thawm kan hriaa kan han en chu kan țhianpa chu a lo zal reng mai.Rang takin a hnaia awm te’n hmun him lamah an zawn phei ngahala.Kei paw’n beiseina sang tak nei chungin”Sangte țâng țang țang rawh aw ”tiin ka au lawp lawpa tih theih ka nei si lo.Ambulance motor ah kan hlang nghal vata,Doctor inpakhatah an va dah a.Bike kan lak chhuah theih lawk loh a vangin a hnu rei vak loah kan zui ve nghal a.Doctor hnenah ”Ka țhianpa hi eng tin nge tia kan zawh chuan a theih tawh loh(မရတော့ဘူး)a lo ti mai chu ka zawi nghal vek mai”.Ka rilruah i chhung te hnenah eng tin nge ka sawi tak ang le ka tia hrilh a hai duh khawp mai.

A hliam hi a anak vei lamah a ni e.