Mizo Elite News hi ṭha i tihzawng a nih chuan min lo Follow dawn nia

A Ram Tana A Nun Hlantu Angel Vuina Ah A Pa In Mite Mittui A Titla

Pa dinhmun a tang chuan a va rilru natthlak dawn tak em! A fanu a hmangaih em em chu nat lawk em em pawh awm lovin a boral a, hei zet chu ‘Pa chang’ tak in ti tan pawh tawrhzawh har tur khawp a tling.

He nula kum 19 lek Angel (Kyal Sin tia hriat bawk) hi a ram mipui Myanmar te hian a thil tih ropui tak hi an theihnghilh sak in a rinawm tawh loh.

Angel hian Nilaini khan Mandalay khawlaia zalenna sualchhuak tura kawng zawh huaihawt ah silai a kah niin a nunna a chan a, a boral hma a a thu hnuhnung hnuchhiah te chuan mite ngaihsan a hlawh phah a, Angel chuan vanduaina alo tawk a nih pawh in a taksa tha laite chu a mamawh tu midang te tan a lo hlan hmiah a ni.

Angel thlahna hi ropui taka neih a ni a, mi thahnem tak te chu a vuina ah hian an telpui bawk. A vuina a a hringtupa chuan midang te a vel tap hial a, hrehawm leh ui tak chung si in a fanu hi ‘mangtha’ tia thlah mai loh chu tih theih a nei tawh lo. A khawngaihthlak tak zet a ni.