Mizo Elite News hi ṭha i tihzawng a nih chuan min lo Follow dawn nia

A Pum Atang In Doctor Ten Rinloh Pui Pui An Phawrhchhuak

Doctor te ngei pawh in a pum a thil awm an hmuh hlim chuan mak tiin an meng phawk hru hlawm a, hetiang thil hi a thleng thei dawn em ni an ti hial reng a ni. Mahse a tak ngei a ni bawk si.

Damlo pakhat a hming tarlan loh pum atang chuan pai tawih theih reng reng loh tur chi thil alo inchhekkhawl rui mai a, thir lam hmanrua alo pai nual tih an hmuchhuak.

He thil thlenna hi Lithuania ah a ni. Dam lo hi a pum na ti lutuk chu damdawiin ah tlanpui a ni a, Doctor ten an en dik chuan in perek leh metal lam chi a lo awm. Klaipeda University Hospital ah Surgery hmang in a pum a a thil pai hi an phawrchhuah. Darkar 3 zet hun a awh a, an phawrh kim meuh chuan Kg1 vel zet a rit a ni nghe nghe.

Amah hi zu in thin a ni a, mahse zu in hi bansan in hemi hnu atang hian heng metal te hi dawlh a ching chho tan niin an hria. Surgery neihpui tu zinga mi Sarunas Dailidenas chuan thil thleng dangdai tak a ni a ti ve hial a, medical lama hna a thawh tawh ah tiang hi a la tawng ngai bik lo a ti ve hial.

Tunah erawh dam lo hi a dinhmun a tha tawh a, ngaihtuahawm a nih tawh loh thu an sawi. Heng thil hrawm hraw tak tak hi engtia dawlh ta mai nge tih hi hrilhfiah thiam a har khawp.