Mizo Elite News hi ṭha i tihzawng a nih chuan min lo Follow dawn nia

A Pu Thi Tawh Ruang Chu Chhan Tha Tak Vangin Fridge Chhungah A Lo Dah

Telangana a Parkal, Warangal district ah chuan kum 90 a upa putar chu an chenna ah a thi tih hriat a ni a, a ruang hi vuiliam loh in an chenna in ah a tu pa hian ni 3 chhung a lo kawl reng.

Boralta hi Balaiah a ni a, a tupa hi kum 26 a upa V Nikhil a ni. An thenawm a mite chuan an chenna in atang a thil rimchhia an hriat hnu in Police te chu an in enfiah turin an ko.

In chhung an enfiah chuan fridge ah Balaiah ruang hi an va hmuchhuak a, a tupa Nikhil hian a vuina atan sum chawi tur a neih loh vang in a pu ruang hi vui liam loh in Fridge chhungah hian a dah tih a hrilh a ni.

In ah hian V Nikhil hi a pu Balaiah nen chiah an cheng a, Nikhil hian engmah hlawh leh thawhchhuah a nei lo a, a pu Balaiah hlawh chu an ei belber a ni thin. Balaiah hi government lecturer chawl tawh a ni. Kum upat tawh lam ah natna neuh neuh in tlakbuak in kum 2 lai khum bet in a awm nghe nghe.

Amah enkawl thin tu a nupui chu May thla khan Covid19 vangin a lo boral tawh. A nupui thih hnu atang phei chuan a dinhmun chuan ziaawm lam reng a pan hleithei lo. Kum 2 liam ta khan a fapa chu accident ah a thi a, a monu hi kum 15 daih tawh khan a boral tawh bawk.

Thenawm khawveng ten thil rimchhia an hriat tirh hian Nikhil erawh in sazu thi rim mai mai ang in a chhal a, mahse a lo nilo nasa. Sum harsat vangin a vui theilo zawk a lo ni.

Doctor ten a ruang postmortem ah chuan pawn lam ah engmah sawisakna hliam ang an hmu lo. A kawchhung pawimawh te forensic analysis tur a vawn that a ni. Police te pawn Balaiah hi thih pangngai a boral ngei nia an hriat thu an sawi a, viscera analysis report denchhen in action hi lak a ni ang tih an puang.