Mizo Elite News hi ṭha i tihzawng a nih chuan min lo Follow dawn nia

A piancham la lawm ngai reng reng lo an awmpui nu chu a vawikhat nan piancham an lawmsak

Hmun thenkhat ah chuan awmpui (Maid) te hian an awmna chhungkua te atang in tihduhdahna hrang hrang an tawk hmuh tur a awm thin a, an awmna fuh tawk loh vang te ani. Ram danga Maid hnathawh hi him tawk lo tak a ngaih a nih lai hian mihring mizia kan in an loh ang bawkin tam tak erawh an sual vek kher lo.

Singapore a chhungkaw pakhat te chuan an awmpui nu tan a hriat reng tawh tur thil tihsak in a hlimna an siam sak a, a tan liau liau piancham lawmna hun an buatsaih tih hriat ani.

He awmpui nu hi kum 39 a upa, a hming Ruenah a ni a, Indonesia a mi ani. Indonesia atangin Singapore ah hian May 2021 khan a kal a, Anna Leyman te chhungkua hnen ah awm a inhlawhin a khawsa.

Anna Leyman leh a chhungte hian Ruenah hi an duat hle tih a hriat reng reng a, chhungkua ang maiin hmangaih takin an kiangah a cheng. Anna Leyman te hnen ah hian a hma in a piancham lawmna hun a neih ngai loh thu leh an chhungkaw dinhmun in a zir lo em vangin a piancham ni chu atan chuan ni pangngai ang lek tho anih thu alo hrilh tawh.

Anna Leyman hian Ruenah in a chanchin leh an dinhmun a sawi chu a vawng reng a, a pasal leh a fate nen chuan a pianchama a phut zawk na tur leh a birthday a lawm hmasak berna turin surprise thut an tum ani.

Anna chu dan pangngai in a hna ah a kal a, a hna a kal hlan chuan a pasal leh a fate chu cake lei turin a tirchhuak. “Happy Birthday” hla sa chungin Ruenah hi an va thawng a, Ruenah pawh a awmna chhung ten a piancham puala an thil tihsak a hmuh thut chuan lawm a vangin chhuatah a tlu tawp a, a mittui a tla hial ani.Anna leh a pasal te hian McDonald te order in hlim takin piancham hi an lawm.

Anna chuan Ruenah chu a fak hle a, a mawhphurhna hrang hrang a tlin in an chhungkaw tan a hah thin zia pawh a hai lo hle. Tu te pawhin hlim hi an phu a, an hnathawk chhawr emaw an chhungte pawh nise an chunga tha na na na chu hmangaih let an phu tih hi a ngaihdan nghet a nih thu a sawi ani.