Mizo Elite News hi ṭha i tihzawng a nih chuan min lo Follow dawn nia

A pian hun tur ai hma a piang naute chu Doctor in a thi tih a nemngheh hnuah a nung leh

He thil thleng ah hian Medical lam thiam loh pawh a ni ve thei tho a, chutih rualin thilmak leh danglam thleng ah pawm theih mai chi a ni thei tho bawk.

Kar kalta Dec.27 khan Brazilian state Rondonia ah chuan hmeichhia kum 18 miin nau a nei a, a hming ah Augustus tia koh ani. Mahsela Doctor te chuan he naute hi a pian tur aia hma thla 7 ah a piang a, a nunna chhan theih lovin thi sa in a piang an ti.

Tarlan danin naute hringtu hian nau a pai tih a in hrelo. Damdawiin ah hian a nawmsam loh vangin vawi 2 lai a kal. In lama a haw hnu ah chuan medical te puihna tel lovin a nei. Nau a hrin hnu hian damdawiin an pan leh ani.

Mahsela damdawiin ah a naute chu a boral tih an sawi zui nghal mai si a. Doctor in naute thi tawh a a puan fel hi a ruang bawihsawm turin funeral director te chu a ko a, naute la felin phum tura an inbuatsaih mek lai chuan mak takin naute chu a lung a rawn phu leh a, rang takin damdawiin ah Neonatal Intensive Care Unit ah hruai luh nghal ani.

Naute hi a dinhmun pawn that lam a pan zel a, a nu hi damdawiin atang chhuah tir a ni tawh. Naute pi chuan a ke leh a kut te pawh a ti che tawh a, a lungphu pawh a pangngai tawh tih a sawi a, naute ngaihsak a nilo leh chhan tumna awm lo lutuk vang khan naute pi chu thinrim hle nghe nghe.

Hemi chungchang hi Civil Police and the Public Ministry of Rondônia chuan chhuihna thawkin Medical lam thiamloh vanga thleng nge tih investigation an neih tur thu an puang a, Ariquemes health department erawh chuan damdawiin an thlenpui khan naute hi a thi tawh ani tiin an tang ve thung.

Department spokesperson pawhin thilmak tak a ni. Doctor in a thih thu a sawi khan engmah fello a awm lo. Vui tura inbuatsaihna kalpui a nih mek laiin a lung hi a phu leh chiah niin a sawi ve bawk.