Mizo Elite News hi ṭha i tihzawng a nih chuan min lo Follow dawn nia

A Pawisa Thawhchhuah Hmanga An Khua A Zirna School Dintu Serthlum Zuar Hnenah Padma Shri Hlan A Ni

Zirna hi mihring te hmasawnna tura rahbi pawimawh tak a nih zia a chiang hle mai. Karnataka Mangaluru a mi serthlum zuar thin kum 68 a upa Harekala Hajabba hian local authorities te puihna tel lovin a thawhchhuah liau liau hmang a an khua ah School a din/hawn vangin India rama civil mite chawimawina sang ‘Padma Shri’ award chu hlan a ni.

November 8 Thawhtanni khan Harekala Hajabba hian he chawimawina hlu tak hi President Ram Nath Kovind hnen atang a dawng. President Of India chuan Twitter ah Society a a thawhhlawk vanga Hajabba hnena he chawimawina hlan a nih thu hi tweet a siam.

Harekala Hajabba hi ziak leh chhiar thiam lo a ni a, a chhan pawh an khua Newpadapu ah zirna dawng tur in School a awm loh vang a ni. Khua a naupang te hma hun tur chu ngaihtuah chungin a neih ang chhun chhun a khawl hmang chuan School a din. Hetih lai hian nikhat a a hlawhchhuah chu beitham tak a ni a, nikhat ah Rs150 chauh a hlawh.

“Zirna dawng turin engmah hun remchang a in hawng ve lo a, khang ka thil lo hmachhawn leh tawn tawh te kha khua a naupang dang te tawn ve turin ka phal lo. Zirna tha tak an dawn ngei hi ka duh a ni” tiin The Better India hnen ah a sawi. Hajabba chuan kum tam liam ta khan khualzin foreign tourist ten a thei (fruit) zawrh chu a man zat English in an zawt thin a, an thusawi a hriatthiam miau loh vangin buaina a tawh thin thu a sawi a, heta tang hian School hawn ni ngei turin chhechham meuh in a lo intiam a ni.

January 25, 2020 khan Padma Shri award hi Hajabba hnen ah hlan a ni dawn tih puan alo ni tawh a, mahse hri leng Covid19 vangin a hun takah Function hi neih theih a ni lo.