Mizo Elite News hi ṭha i tihzawng a nih chuan min lo Follow dawn nia

A Pate An Mi A Kahhlum Vangin Hailey Bieber In Pawi A Tih Thu A Sawi

Hailey Baldwin pa Stephen Baldwin unaupa Alec Baldwin chuan Ningani liam ta khan New Mexico a ‘Rust’ Movie shooting an neih laiin film buaipui tu zinga mi hmeichhe pakhat chu silai in a kaphlum palh.

Alec Baldwin hi he Film ah hian Producer a ni a, a kahhlum tak hmeichhia hi Halyna Hutchins niin cinematographer a ni. Halyna Hutchins bakah hian director, Souza chu a kap hliam tel bawk.

Hutchins hi thlawhna hmangin Albuquerque a University of New Mexico Hospital ah rang taka hruai a ni a, mahsela a hliam tuar lovin a boral zui ta tho. He vanduaina thleng ah hian Justin Bieber nupui Hailey chuan a patea tihsual palh vang hian pawi a tih zia a tarlang.

Hailey hian Instagram ah he thil thleng hi a pawiin rin a harsa zawk hle a ni. He vanduaina a inhnamhnawih zawng zawng te a pawiin rilru in luah tak zet tiin nunna chanta Halyna Hutchins chhungte chu a tawrhpui takzet a, Joel Souza pawh a dam thuai a beisei tih a sawi.

A patea Alec Baldwin pawh in thil thleng chu pawi a tih zia Twitter ah a tarlang ve nghal a, Insider in The Post te a hrilh danin Alec hi thinlung tha tak a nia, he vanduaina thleng hi tuar har a tiin a hrehawmna hian a damchhung zawngin inchhir a hun a hman phah tir mai ang tih a hlauhawm thu an sawi hial nghe nghe bawk. Halyna Hutchins hian a pasal leh a fapa kum 9 te a kalsan a ni.