Mizo Elite News hi ṭha i tihzawng a nih chuan min lo Follow dawn nia

A Pasal Zeng Vanga Khum Beta Awm Chu Ṭhenin An Enkawl Zel Theih Nan A Pasal Ṭhianpa Chu Pasal Ah A Nei

He mite chanchin hi a danglam in a dangdai reuh khawp mai. A pasal zeng chu an enkawl chhoh zel theih nan pasal dang a nei.

China a mi Xie Xiping hian a pasal Xu Xihan chu kum 14 chuang a lo enkawl tawh. Xu Xihan hian 2002 khan Mining Accident a tawk a, boulder in a hliamna lamah zengin a kawng a chin hnuai lam zawng chu a ti che thei lo a khum betin a awm phah.

A nupui hian duat takin a enkawl chho a. Xie hian a pasal Xu nen fa 2 an nei hman. Mahsela 2002 a north-west China’s Shaanxi Province a Shiquan Country hmun a Coal Mine a a hnathawhna lama a chetsual hnu ah an chhungkaw dinhmun awm zel dan tur chu a harsat phah.

Xu hian zangnadawmna compensation ah 40,000 yuan (£4,137) pek a ni a Xie chu a primary carer ah a ṭang zui ta bawk.

Accident a tawh hnu ah a ke a ti che thei tawh silo a, a chhungkua te awm zel dan tur chu a ngaihtuah buai hle. A hnu ah a nupui Xie hnen ah chuan amah chu ṭhen a mipa midang nen innnei in an fate nena chhungkaw hlim tak din tur in a hrilh a ni.

Xie hian a tirah chuan a pasal thusawi hi a pawm thei lo. Mahsela a hnu ah pawmin 2009 khan a pasal duh dan ang chuan an inṭhen. A pasal zeng enkawl pui thei tu tur chu pasal atan a thlang a, a pasal ṭhianpa Liu Zongkui chu pasal ah a nei. An inneihna hi Xu pawhin a pawmpui leh hriatpui a ni bawk.

2012 khan Xie hian a pasal thar Liu nena an fapa hi a nei. An vaiin lungrual takin in khatah an cheng ho a ni.

The Sun