Mizo Elite News hi ṭha i tihzawng a nih chuan min lo Follow dawn nia

A pasal vuina ah mal leh khawhar takin Queen Elizabeth a thu

Queen Elizabeth II chuan a hmangaih a pasal Prince Philip chu damchhunga inhmu leh ngai tawh lo turin a thlahliam a ngai ta.

Lalchhungkaw khaiding tu ber British monarch hi tunah kum 94 a upa a ni tawh a,karleh mai khian kum 95 a tling dawn a ni. A pasal vuina ah hian lalnu hian zahawm takin thuamhnaw dum a inbel chhuak.

St. George’s Chapel, Windsor Castle chhung ah mal leh khawhar tak in mahni te in a thu a, Covid19 hri leng mek vangin lalchhungkaw mi leh sa dangte pawh a hrang theuh in an thu hlawm. Private ceremony ah hian chhungkaw member 30 chauh an tel a, Prince Philip’s fapa Prince Charles bak ah Prince William, Kate Middleton leh Prince Harry te chu ceremony a tel langsar an ni.

Vuina hi Television ah mipui en theih a pekchhuak a ni bawk. Duke of Edinburgh hi April 9 khan kum 99 mi in a boral a, Queen Elizabeth II nen hian 1947, 20 November khan inneiin kum 73 chhung lai an innei. Fa 4 mipa 3 leh hmeichhia 1 an nei hman.