Mizo Elite News hi ṭha i tihzawng a nih chuan min lo Follow dawn nia

A Pasal Vap (Ashes) Ei A Addict Hnuah A Rihna A Tlakhniam Phah

Addiction hi natna chi khat ang deuh hi a nia, khawvel ah pawh hriat tur a tam. Thenkhat in ruihhlo leh zu ngawl an vei a, a then in ei tur lam an addict thung. Mahse US a cheng hmeichhe pakhat thil Addict erawh hi chu a dangdai rem rem hle.

Tennessee a mi kum 26 a upa Casie chuan television show a a inlan tum in a thil chin tha lo leh dangdai tak mai a sawichhuak a, a pasal halna vap (ashes) ei chu a chin thin thu a sawichhuak meuh mai.

Casie hian TV show ‘My Strange Addiction’ ah chuan a pasal vap (ashes) a ei tan dan hi a sawi a, 2009 khan a pasal Sean nen hian intawng in thla 10 chhung an inhriatchian hnu ah an innei. Mahse nupa an ni reilo. Sean hian asthma vangin a boralsan a, a pasal vap (ash) hi bawm ah chuan a dahtha tlat.

“Ka pasal vap (ash) hi ka kalna a piangah ka keng tel ziah. Bazar na, movie enna leh restaurant ah te ka chhuahna a piangah ka bulah ka keng thin. Ka mutna ah pawn ka kuah tlat a, ka laka a awm hlat ka phal lo” a ti. Sean vap a ei tanna chu hmun danga a sawnna lamah a tibaw palh hlauh a, a kuta vap kai chu thenfai a ui vangin a liak a, heta chin hian nitin vawi 5 vel a kut tanga a pasal vap (ash) zuk hnim in a ei ta thin niin a sawi.

Thla hnih hnu ah phei chuan a pasal vap (ash) ei hi a thlah hleithei tawh lo a, a ngawl a vei hial a ti a, thla 2 chhung vek hian a rihna 19 kg zet a a tlakhniam hial thu a sawi. Mahsela a pasal vap (ash) ei chu a sim thu leh chan nawn leh a duh tawh loh vangin amah a inthunun a ni.