Mizo Elite News hi ṭha i tihzawng a nih chuan min lo Follow dawn nia

A Pasal Tawiawm In Hailey Bieber Pawh A Nalh, Justin Bieber Piancham Vanga Buaina

A pasal Music buaipui vel vangin Hailey Bieber pawh tunlai zawng a ma tawkin a buai ve hle niin a lang a, Justin Bieber hian a Album thar tur ‘Justice’ tichhuak turin ruahmanna a kalpui mek.

Hailey hian nupui tha tak a nih zia hmuh theih in a tilang a, a pasal Justin an Nilaini chawhnu khan Santa Monica ah rehearsal neiin hetah hian Hailey hian a tawiawm ve a ni.

Kum 24 a upa Supermodel hi a pasal rehearsal na a a kal tum hian a incheina a nalhin a chhelo leh pek fu a, bandeau dress mawi tak inbelin a mawi tawk lek in Makeup a inhnawih tel bawk a, hmuh a nuam khawp mai.

Justin hian March 1 khan kum 27 a tling a, a piancham lawm hian a nupui Hailey nen Paris ah an zin. Justin piancham vangin buaina a thlen phah hial a, a chhan pawh an thlenna five-star hotel,Mandarin Oriental kawtah fans tam tak an pungkhawm.

Hripui len lai a lo nih bawk vangin Police ten fans te hi an hnawt rem a, a tirah phei chuan kalsawn tir hleihtheih an nilo. Hei vang hian man an ni hial. Frace ah hian Covid vangin mi 80,000 aia tam in nunna an chan phah tawh a, an fimkhur hle a ni.