Mizo Elite News hi ṭha i tihzawng a nih chuan min lo Follow dawn nia

A Pasal Pa Silai Nena A In Selfie Na Lamah Vanduaina A Tawk

Uttar Pradesh, Hardoi ah chuan thil pawi tak mai a thleng a. Ningani zan mai khan hmeichhia kum 26 mi Radhika Gupta chu a pasal pa silai nen thla a inlakna ah a inkap palh.

Times Of India in a tarlan dan in Radhika Gupta hian a pasal pa silai nen hian mawi taka thla inlak a tum a, a chhungah a mu awm in a in load sa a nih tih reng hre lo chuan a hmehna lai trigger chu a kut zungtang in alo hmet.

Silai mu hian Radhika Gupta nghawng ah tak hian a kap fuh a, hmanhmawh taka damdawiin hruai ni mahse Doctor te chuan a nunna chhan theih a nih tawh loh thu leh a boral tih an puang a ni.

Silai neitu Rajesh Gupta chuan a fapa Akash Gupta leh Radhika Gupta te hi May 2021 a innei chauh kha an la nih thu a sawi. Panchayat election dawn vangin silai hi tualchhung Police Station ah an thehlut a. A lam theih hnu ah a fapa hian Police te hnen atang a hawn kir leh.

An chenna in chhawng 2 na ah silai hi an dah a, hei hi an monu Radhika hian nalh taka Selfie pui tumin a lo lachhuak a ni. Silai puak an hriat ve leh in chungah an tlanchho nghal a, Radhika chu chhuatah alo let reng tawh. A phone camera chu in on in Selfie mode ah a indah a, vanduaina a thlen hma lawka a thlalak te pawh hmuh turin a awm a ni.

A ruang hi Post mortem turin lak a ni a, silai leh a phone te pawh forensic exam na atan lak tel a ni bawk. Radhika pasal Akash pawh in silai a hawn hian a nupui in a hlimpui zia a sawi a, vawikhat thla pawh a lakpui a, mahse vawikhat mai duh tawk lova a dang lak belh a tum leh na ah a nunna in a tawrh phah ta tih a sawi.