Mizo Elite News hi ṭha i tihzawng a nih chuan min lo Follow dawn nia

A pasal Offset piancham ah Rapper Cardi B a in seng hnem

Hmangaih ber te tan chuan tu pawh in insen kan hreh lo tlang theuh awm e. Cardi B pawh hi a demawm hran lo.

December 14 khan Offset, a hming tak Kiari Kendrell Cephus chuan kum 30 a tling a, a piancham hi a nupui Rapper, Cardi chuan lawmsak in milar dang te nen Birthday party puitham tak an lo huaihawt ani.

Offset hian a birthday thil pek atan a nupui Cardi B hnen atang thilpek pui tham tak dawng in. Cardi hian pawisa $2 Million chu a cheque in lian tha nelh nawlh in alo hlan.

Cardi B chuan Offset hnena gift a pek hi a Instagram ah inchhuang takin a post. Party ah hian an thian dang Kanye, The Game, French Montana leh Quavo te chuan an telpui bawk.

A pasal laka a inren loh ang chiah in a fanu lakah pawh Cardi B hian a sum a ui lo. Nikum khan a fanu kum 3 mi Kulture tan $48,000 (£34k) man zat Hermès Birkin bag chu a lo leisak a, he bag hi crystal rainbow in cheimawi ani.

CelebrityNetWorth te chhutdan in Cardi B hausakna hi $40 million vel ani. Offset nen hian September 2017 khan an innei a, an inneihna hi private ceremony a hman a nih vangin hriat a ni lawk lo. Nupa an nih hnu ah Offset hian hmeichhe dang alo hnimhnaih vangin Cardi nen an inhmuthiam lo a. Cardi B in September 2020 khan inthenna a file hial ani.

Amaherawh chu “Bodak Yellow” hian a rilru thlak leh thut in inthenna a file tawh hi November 2020 khan a hnuk kir leh a, an inkar pawh in ziaawm lam a panchho.