Mizo Elite News hi ṭha i tihzawng a nih chuan min lo Follow dawn nia

A Pasal Nupui Then Tawh Nen An Inkarah Buaina An Neilo Tih Tilangin A Kal Hial A Pe

Mipa te aiin hmeichhia leh hmeichhia te inkarah vek hian neuh neuh an awm duh bik zual thin. He hmeichhia erawh hi chuan hmangaihna a ngah khawp mai, a pasal pawmlai mek nupui then tawh hnen ah chuan a taksa peng hian a pe phal a ni.

Nikum khan Debby Neal-Strickland leh tuna a pasal ni mek Jim Merthe te hi an innei a, Jim Merthe hian Debby a neih hma in nupui a lo nei tawh a, a nupui hmasa nen fa hial an nei hman nghe nghe.

Vanduaithlak takin a nupui hlui Mylaen Merthe chungah harsatna lian tak in a tlakbuak tih hriat a ni. A dinhmun chu a serious viau a, a damchhuah theih nan kidney transplant neih ngei ngei a ngai.

Jim Merthe leh Mylaen Merthe te hi an inneih chhung khan fa pahnih an nei hman. Kal pe thei tu tur ngaihtuah in a fapa nen a lo in mil lo a, a fanu lah raipuar mek a nih vangin transplant hi a nei thei lo.

Mangang taka hun an hman mek lai chuan Jim Merthe nupui Debby chu a awm mai mai thei bik lo a. A pasal nupui hlui tan chuan a kal (kidney) pe turin thutlukna khirhkhan tak a siam a,hlawhtling takin transplant hi neih a ni bawk.

Operation hi Florida a Tampa General Hospital ah an nei a, Mylaen pawh a lawm in a kal (kidney) pe tu a hriat meuh chuan a thawng viau nghe nghe a “ka nunna min chhansak tu a ni” tiin a sawi hial. Mylaen leh Jim te hi an inthenna kum 20 dawn lai a liam tawh.