In chhung khur ah hian ngaihtuah chet chet chuan mipa aiin hmeichhia zawk zel inkar ah hian buaina neuh neuh a tam thin. Chhungkaw hlim tak ni turin mo leh a nu te inngeih hi a pawimawh fo reng a ni.
Indonesia ram a Desa Lebung Itam ah hmeichhe pakhat Dewi Asmara hian a pasal a nu zilhna a tuar theih tawh loh vangin tûr (poison) hmangin a hrai hlum tih hriat a ni.
Tribun News in a sawidan in Dewi Asmara leh a nu te hi an in mil hleithei lo a, hlim takin an awm tlang ngai meuh lo. A pasal nu hian a lakah lawm lohna zawngin a zilh hau fo thin a, hemi hi a kham lutuk luatah lizard poison chu a ei turah telhin a tihlum ta hmiah.
A nu hi kum 61 mi niin lung (heart) lam ah buaina a tawk a, damdawi a tan sangha a hmang thin a. Dewi Asmara hian hria in a sangha ei turah hian tûr hi a pawlh sak.
A nu mai bakah hian an zawhte 3 te pawh an thih thu hriat a ni a, an ka atang thil phuan a chhuak a ni. Dewi Asmara hi rinhlelh na in an man hmasa phawt a,a hnu ah a pasal nu a hrai hlum ngei thu hi Police hma ah a in puang.
Dewi Asmara lakah hian tualthah vanga thubuai siam sak in a chhe berah kum 20 Jail tan emaw thi tura hrem na a hmabak a ni.