Mizo Elite News hi ṭha i tihzawng a nih chuan min lo Follow dawn nia

A Pasal Nen An Inhauh Hnuah In Aṭang Chhuakin A Tukah Amah Leh A Fapa Chunga Thleng Chu

Nupa inkarah chuan inhauh leh inhmuh thiamloh chang te chu thleng ve tur reng a ni a chutih rualin inhauh reng erawh chuan nupa inkarah khi chat a siam a inṭhen phahna hial a thlen thei a ni.

Ettumanoor: Kottayam district a Neendoor ah kum 36 a upa hmeichhia chu a pasal nen an inhmuhthiam loh hnuah in aṭang a chhuak. A tukah chuan amah leh a fapa kum 4 a upa te chu tuikhuah ah thi in an chhar.

He hmeichhia hi Ranji tih hmingpu a ni a a fapa kum 4 mi hi Sreenandh (Nandu) tia koh a ni.

A pasal Chandrababu hringtunu chuan zinglam dar 6 vela a thawh chuan an in hnunglam kawngkhar chu a inhawng a Ranji leh Sreenandh te chu an awmlo tih a hrezui nghal bawk.

Ranji laichin te chu punin Ettumanoor police ah complaint an file a, Police te chuan an in leh a chheh vel te chu zawng in mahsela an zawn hnu ah pawh Ranji te nufa hi an hmu thei lo. An awmna a mite chuan an nupa hian an inhau fo ṭhin a Chandrababu hian kut te pawh a thlak ṭhin an ti.

Kottayam a district police chief G Jayadev pawh in he case hi zawm ve in a tawpah chuan Sreenandh anganwadi te bul lawk tuikhuah ah chuan thiin an nufa ruang hi hmuh a ni.

Ranji te nufa thih chhan hi hriat theih mai ala nilo a Kottayam a Medical College Hospital ah an ruang te hi post-mortem tura tih an ni.

Onmanorama