Mizo Elite News hi ṭha i tihzawng a nih chuan min lo Follow dawn nia

A Pasal Nen An Buaina Ah Amber Heard Chu ‘Aquaman 2’ Atang Paihchhuak Tura Duhtu An Tam

Actress, Amber Heard chu a pasal Johnny Depp nen an nupa inkar buaina chhe zet avangin a Career thlengin a nghawng chhoh phah ve ta a, a pasal hlui Depp fans lam ten an zarbuai hneh nasa tawh hle.

Tunhnai lawk khan a pasal Johnny Depp leh UK chanchinbu chhuak The Sun Newspaper te an inkhing a, The Sun hian Depp hi nupui te kutthlak ching tia puhin hnehna an chang zui bawk.

SANTA MONICA, LOS ANGELES, CALIFORNIA, USA – FEBRUARY 08: Actress Amber Heard arrives at the 2020 Film Independent Spirit Awards held at the Santa Monica Beach on February 8, 2020 in Santa Monica, Los Angeles, California, United States. (Photo by Xavier Collin/Image Press Agency/Sipa USA)

Chanchinbu te nen an inbeihna a a chak loh vang hian Depp hi Warner Bros lam in an Film buaipui leh tur “Fantastic Beasts” atangin an paihchhuah phah hial a ni. Depp erawh in he an buaina chungchang hi ngawih bo pui mai a tum loh thu sawiin thudik hailan ngei a tum tih a puang dum dum.

Hemi buaina kal zel ah hian Depp fans te chuan Depp nupui hlui Amber Heard chu a Film chan leh tur “Aquaman 2” atang bang ve turin Petition an siam nasa khawp mai.

Change.org petition titled ‘Remove Amber Heard From Aquaman 2’ chu mi maktaduai 1 chuang zetin an sign hnan tawh a, he thu buatsaih lai mek hian petition sign tu hi mi 1,510,732 lai an awm tawh a ni.

Amber Heard hian kar liam ta khan selna leh diriamna kar ah “Aquaman 2” ah hian a inlan leh ngei dawn thu a sawichiang a. Depp fans te lahin mahni pasal hlui hringnun tihchhiatsak tu tia puhin an haw zui hle.

He Petition hi a kal zel chuan maktaduai 3 lai a pelh pawh a rinawm viau a, chuti a nih chuan Heard pawh hi “Aquaman” chhunzawmna a inlan leh turin a dinhmun a chiang lo ve thei tho bawk.