Mizo Elite News hi ṭha i tihzawng a nih chuan min lo Follow dawn nia

A Pasal Mitdel In An Inneihni Chuan A Nalh Zia A Hriat Theihnan Mo Kawr Dangdai Tak A Thlangchhuak

Inneihna hi mihring nih chhunga kan ropuina ni ve ber a nih angin ngaih pawimawh pawh a hlawh thin. A pasal turin khawvel eng a hmuh ve theih miau loh avangin an inneihni chuan mo kawr danglam tak mai chu a thlang a ni.

He nupa tuak te inneihna hian rilru a khawih ru khawp mai. Anthony S. Ferraro chuan damchhunga a kawppui atan Kelly Anne Ferraro chu nupui atan a nei. Anthony S. Ferraro hi Paralympian, musician leh motivational speaker niin a mit in khua a hmu thei lo.

Kum 2018 khan an pahnih in an in tawng a, hetih lai hian Anthony hi Tokyo atang Judo training a nei zo a let lam a ni. Kelly Ann hi Thailand atang a let ve thung a. New Jersey ah an thiante kaltlangin an inhrechho ta a ni.

An inneih ni hian Kelly Anne Ferraro hian a pasal in a mawi zia leh a nalh zia a kuta khawiha a hriat ngei theihna turin Mo kawr a thlang a, a pasal mitdel khawhmu lo tan tactile dress chu a thlangchhuak.

“A ni hi tunah chuan ka mit a ni a, kuta ka khawih atanga a nalh zia ka hriat theih nan heng thil hi alo ruahman vek. Ka khawih atang ringawt khan a mawi zia ka hre thei bawk a ni” tiin Anthony hian USA Today te a hrilh.

Inneih ni hian Kelly Anne Ferraro hi a tapchhuak hial a, Social Media ah blind community tan nasa zawk a awareness neih an tum. “Kan chanchin hian hlimna leh inpumkhatna chungchangah eng nasa takin a pechhuak a. Hmangaihna neilo ang mite tan pawh hmangaihna neih theih a ni” tiin Anthony chuan a sawi.