Mizo Elite News hi ṭha i tihzawng a nih chuan min lo Follow dawn nia

A pasal Kanye West tel lovin Kim Kardashian a hlim tawk, a chhelo telh telh

Kim Kardashian hian a pasal laka inthenna a file hnu ah ngaihven a hlawh chho hle a, a pasal tel lovin engtin nge hringnun a hman chhoh tak zel tih hrechak pawh an awm nuk.

A pasal nen an inthenna ri nuai nuai kar ah a rawn chhelo em em thung a, nuthlawi tharlam a nih zia hmuh hmaih theih rual loh khawp in vantlang hmuh ah a inla chhelo.

Kum 40 a upa Reality Star hi Nilaini khan Los Angeles a a pawnchhuak hmuh a ni a,red leather capri pants leh a milpui tur crop top a inbelchhuak a,a pian nalh zet te a hmuh tir leh.

Tunah hian fa 4 a nei mek a, heti chung hian a landan atang ngawta teh chuan nula hnahkhat dil tak pawh a ang zawk mah.

An chhungkaw mi leh sa hrim hrim hi chuan boruak hi an nei lian em em a,Kim pawh hi a Brand SKIMS ah eizawnna nghet a nei mek. February thla khan a pasal Kanye West thenna tur a file angin tarlan a awm a, an mahni atang erawh official taka puan a awm lo.

Source rintlak tak te erawh chuan Kim K leh Kanye te hi an inhmuh lohna a rei tawh tih an sawi a, Kanye West hian a number pawh a thlak hmak. Kim K in an inkar zawng zawng tih tawp fel a duh a, a fate ah erawh an pa a nih angin alak ah khuahkhirh bur a tum lo thung an ti.

Kanye West hian Kim K leh a chhungkua te hi vantlang hriatah mawilo tak takin an chungchang alo sawi fo tawh thin. Kim K hi a hma in Drake nen sawizawm an kai zuai hman bawk.