Mizo Elite News hi ṭha i tihzawng a nih chuan min lo Follow dawn nia

A pasal Justin Bieber hnena Tattoo ti tawh lo tura a hrilh hnuah Hailey in a thusawi a bawhchhe hmasa

Hailey Bieber hian a pasal Justin Bieber hnen ah thurawn pe in a nghawnga tattoo nei tawh lo tura a tih chu amah ngeiin a bawhchhe hmasa ta tlat mai.

Kum 25 a upa Hailey hian a taksa ah tattoo thar chhut tirin celebrity tattoo artist lar leh an pan hlawh tak Dr. Woo chuan Hailey tattoo thar hi a rawn post. Big Apple hming ngatin Hailey in a beng ding lam hnung ah chuan ‘New York’ tih thu a chhut tir ani.

Hailey tattoo neih hi fans ten an lo hriat leh hnu ah chhun leh khen zui a hlawh rang leh hle. A chhan pawh Hailey hian a pasal Justin Bieber hnen ah Tattoo chhutkai tir chungchang ah thurawn a pe a, a nghawng ah tatoo chhut a remtih pui tawh lo.

Justin Bieber chuan 2020 a tihchhuah a YouTube documentary series “Justin Bieber: Next Chapter,” ah khan hemi chungchang hi a sawichhuak. “Hailey ngenna angin ka nghawng a tattoo chhut lam chu tawk rawh se” alo ti a ni. Justin hian a hnung lam erawh chu a fate tan ala khek khal.

Hei hi fans te chuan an lo hre ru khiau. Hailey in tattoo thar a rawn neih leh tak chiah ah chuan a rawn richhuak thar leh ta nge nge a, a thilsawi a bawhchhe hma mah mah an ti ani. Hailey hian a nghawng leh lam ah “lover.” tih a lo chhut tir tawh a, hei pawh hi Dr. Woo an September 2019 a a chhutsak bawk kha ani.

Hailey hian a taksa ah hian langsar lo takin Tattoo a chhut tir ve nual tawh a, a kut tang ah ‘J’ tih a ziak. 2018 khan The Cut te hnen ah tattoos 19 a neih thu alo hrilh.