Mizo Elite News hi ṭha i tihzawng a nih chuan min lo Follow dawn nia

A Pasal In Ek In Chhunga Kum 1 Chuang A Khung Tawh Chu Chhanchhuah A Ni

India ram ah hian pawngsual a hluar ang chiah in innghaisakna pawh a hluar em em ṭhin bawk.

Haryana’s Panipat district a Rishpur village ah pasal pakhat chuan a nupui chu ek in (toilet) chhung a kum 1 chuang a lo khung tawh chu chhanchhuah a ni.

A pasal sawidan chuan a nupui hi rilru lama chianlohna nei rualbanlo a ni. Women Protection and Child Marriage Prohibition lam ten he hmeichhe lainatawm tak hi an va chhanchhuak.

Chhanchhuahna a ho tu ber Officer Rajni Gupta chuan he hmeichhia hi a pasal in a puhna, rilru lama chian lohna nei ang in a langlo a ti. Mahsela Ek in a rei tak khung a nih vang hian ei leh in a hmu ṭha lo tih a taksa aṭang hmuh theih a nih thu a sawi.

“Information kan dawn bawhzuiin ka team te nen kan thawkchhuak a, a hmun kan thlen chuan a lo dik ngei bawk. He hmeichhia hian ni tam tak chhung engmah a ei tawh lo” tiin Gupta hian news agency ANI te a hrilh.

A pasal chuan doctor an rawn pawh in a nupui ah hian engmah hmasawnna a awm phah loh thu a sawi a, an chhanchhuah hmeichhia hi a lu te suk sak a nih hnu ah Police ah complaint theh luh niin Police lam in a ṭul angin hma an la ang.

India ram hi khawvel ram dang nen khaikhin pawh in hmun him lo leh ralmuang lo, pawngsual hluarna ber ah a ṭang.

Indian Express