Mizo Elite News hi ṭha i tihzawng a nih chuan min lo Follow dawn nia

A Pasal In Acid Hmanga A Beih Vangin A Hmai Chhe Vek

Pasal rapthlak tak a neih vangin hmel mumal nei lo in a awm a Ethiopia a mi Atsede Niguse hi a pasal chuan Acid hmanga thehin a hmai chu hmuh hrehawm khawpin a chhe vek.

A pasal hi Police Officer a ni a, innei tura thutlukna pawh hi nawrluihna vang a ni. Kum 6 chhung zet chu a pasal kutthlakna hi a lo tuar tawh a ni.

Nau a pai lai pawh in a pasal hian a vuak a ṭhulh chuang lo. A hnu ah chuan a pasal hi ṭhen turin thutlukna a siam a, chhuahsan in a fapa Honeybun chu a kiangah a hruai.

An inṭhen hnu hian a pasal hian tihian a bei zui ta a, Niguse hi Adigrat a a nu kiangah an khawsa. July 2017 khan zanah a pasal hian baterry acid hmanga theh in ser rapthlak chu a hnuchhiah sak ta a ni.

Niguse hian acid hi a dawn chian em avangin khaw hmu theilo in a awm zui phah a, a hnar leh beng te pawh a chhe hle. “Acid hi chu engmah ala nilo, nang thah che hi ka duh zawk” tiin an pa hian a hrilh zui hial.

Bay Area a cheng Menbere Aklilu chuan Niguse hi a chanchin alo hriat in a ṭanpui a, US a treatment dawng turin Visa a hmu a, a hmai chu siamṭhat hna neih ṭan a ni.

May 2019 khan San Francisco a Saint Francis Memorial Hospital ah Surgery vawikhatna chu neih a ni a, a thiltawn rapthlak tak aṭang hian a tawn ang tawng ve tu hmeichhe dang te tan domestic violence ah awareness a nei bawk. A chunga thil thleng hi rapthlak tih piah lam thil a ni.

DM