Mizo Elite News hi ṭha i tihzawng a nih chuan min lo Follow dawn nia

A Pasal In A Tihbuai Ṭhin Vangin A Kaphlum

Chhungkaw pa ber in inchhungkhur ah buaina siam a zu hmun sa hmun ah a tal tlat a nih chuan chhungkua a hlim theih loh.

Thailand ram ah hmeichhe pakhat Julalak Longlalerng, 33 chuan amah leh a fate ralmuang tak a awm tir thei lo tu a pasal Jaruek Burapha, 43 chu silai hmangin a kaphlum hmiah.

Trang a thleng niin Julalak Longlalerng hian a pasal nunna a laksak hnu ah September 23 khan Police hnen ah inpe in a pasal a that a ni tih hi a pawm.

Jaruek Burapha ruang hi an chenna in pawn ah chuan hmuh a ni a, a taksa ah hian a nupui in silai hmanga a kahna hmun 6 vel lai ah hmuh a ni. A hnung leh pum zawn ah te kapin pawn a chhuan thlengin a kap.

Police te hian Julalak Longlalerng hi a silai nen hmu in a fa thla 11 a upa a pawm bawk a. Police hnen ah alo in pe a ni.

Pa ber Jaruek hi zu ngawl vei a ni a, a nupui nen hian an inhmuthiamlo fo ṭhin. Nilaini pawh chuan a ngai te bawk in a rui nasa leh hle a, kawngkhar leh tukverh te chu a ti ri deuh chawrh chawrh.

Nun ralti leh hrehawm taka a siam ṭhin vang in a nupui hian a dawh thei ta lo. An fa chu hmun dang ah dah hrangin a pa in invenhimna atana silai a pek chuan a pasal hi a kap ta mai a ni.

Julalak lak ah hian tualthah vangin case siam sak a ni zui a, thu zawhfiahna neih ni bawk in legal action lak a ni ang a, thu chiang hriat hnu in a hremna hi la damlam leh thei a ni bawk.

Nation