Mizo Elite News hi ṭha i tihzawng a nih chuan min lo Follow dawn nia

A Pasal Covid19 Vei Mek Chu Tihharh Hram Tuma CPR Pe In A Ka Chhungah Boruak A Thaw Lut

He thlalak hian India ram in hri a tawrhna leh hmangaih te a then darh nasat zia chu a rawn tichiang viau e. Mitthi pawh inphum seng tawh lovin ruang thenkhat te chu vuina pawh awm lovin a let rem rum hlawm mai a, inhal zawh theih a nilo.

Thlalak lungchhiatthlak tak hi Uttar Pradesh’s Agra a mi a ni a, nu pakhat Renu Singhal tia tarlan hian a hmangaih em em a pasal Covid19 vei mek chu a nunna chhan tumin theihtawp in a lo bei a ni.

Renu pasal Ravi Singhal hi hri avang a thaw tha thei lo in nikhawhrelo in a awm. Auto a damdawi in lam an pan lai chuan a chau hle a, a nupui Renu chuan tih harh tum in tui ten a theh a awmzia a nei chuang lo.

Auto chhungah a pasal ka ah hian boruak ham lut in cardiopulmonary resuscitation (CPR) pe mahse a pasal nunna hi a chhan sak thei chuang lo. Ravi hi a nupui malchungah ngei a hnuk a chak a, SN Medical College hospital ah a thi tih hi an nemnghet.

A pasal nunna chhan tum a CPR a pe lai thlalak hi Social Media a tarlan a nih in mite thinlung a khawih viau bawk. Hei bak ah thlalak dang leh ah chuan mipa pakhat in ambulance hman tur mai awm loh vangin a pa chu Honda car chungah a phur ringawt bawk.

India ram in second wave a tawh mek hi a rapthlak tih piah lam a ni a, nitin hri vei thar hi nuai 3 ai a tam mah an awm zel bawk. A manganthlak tawh tak zet a ni.