Mizo Elite News hi ṭha i tihzawng a nih chuan min lo Follow dawn nia

A Pa Thi Tawh Ruang Hmaah Chuan Inneihna Hmangin Nupa Ah Insiam

Inneih hi mihring kan nih chhunga kan hun tawn pawimawh ber leh kan hlimna ni ber a ni ṭhin a, chhungkaw hnih ve ve te tan chhung leh khata insuihzawmna a ni.

Amaherawh chu he inneihna thung hi chu inneihna dang te nen chuan tehkhin chi a nilo. Indonesia a mi niin nupa tuak thar te chu mo neitu hringtupa thi tawh ruang hma ah inneiin nupa ah an lo insiam.

Mo neitu hi Romadhony Putra Pratama a ni a, Romadhony hian a pa chuan a hun ropui tak hi hmuhpui ve ngei se tih a duh. Mahsela a pa hian a damlaiin a hlimna ni hi a hmuhpui thei ta lo a, July 10 khan cardiac arrest in a lo boral.

Romadhony hian a nupui neihni chuan a pa tel se tih a duh em avangin ruahmanna an siam ta a, a pa boral aṭanga darkar 5 hnuah chuan a pa ruang hma ah hian inneihna hi an hmang zui nghala inneih zawh hian ruang hi phum a ni.

Romadhony hian a pa chu biak theih ni tawh lo mahse a kiangah awmpuiin a nupui neih hi a hmuhpui ngei a ni tih a rin tlat thu a sawi.

Romadhony leh a nupui thar te hian Covid19 pandemic hma khan innei an lo tum tawh a. Mahsela tikhawtlaiin a hun tur an ruahman ṭha leh. Amaherawh chu a pa chunga vanduaina a thlen leh tak avangin inneih hun leh ni hi thlak danglam thut a ni leh ta a ni.

WOB