Mizo Elite News hi ṭha i tihzawng a nih chuan min lo Follow dawn nia

A Pa Tan Biak in A Donation Box Atang Pawisa A Ruk Vangin Hrui A Hling A Ni

Thil tih reng reng hian a phen ah chhan a nei thin a, sual kawng zawh a rukruk ching thin ten ruk an ruk chhan thenkhat erawh chu lungchhiatthlak tak tak a ni thung.

Indonesia rama Tanah Jambo Aye ah chuan pa pakhat in mipa naupang chu a nghawng ah hruiin a hling a, midang te hmuh turin kaihchhuah a lo tum a ni.

Detik News in a sawidan in mipa naupang hi kum 10 mi a ni a, hruia hlin a nih chhan pawh Mosolman biak in a donation box a mi pawisa a ruk vang a ni.

Pawisa hi mipa naupang hian a ruk chhan pawh a hringtu pa damlo natna in a tlakbuak mek tan ei tur lei a duh vang a ni an ti a, a mantu pa hian thui vak lo chu a nghawng a hruia thlungin a kalpui hman a, mahsela khua mite chuan a thil tih chu tawp turin an hrilh.

Indonesian police spokesperson, Ahmad Yani chuan mipa naupang hian Gampong Ceumpeudak mosque atang a pa damlo ei tur lei nan hian Rp1.5 million a lak thu a sawi.

Mipa naupang hian ruk a ruk vangin sual chu a khawih ngei mai a, mahsela a pa a hmangaih luat vanga he thil hi ti a ni.

Kompas in a tarlan dan in mipa naupang chhungte leh mosque manager te hi an inrem thei a, pawisa hi pe kir turin an rem ti. A thil tih vangin ngaihdam a dil tih tarlan a ni bawk.