Mizo Elite News hi ṭha i tihzawng a nih chuan min lo Follow dawn nia

A Pa Nunna Chhanhim Nan A Thin (Liver) A Pe

He khawvela a neihchhun a pa tana a in pekna leh a hmangaihzia a lantirna ah hian midang in a chanchin an lo hriat rualin an mittui a tla thei hial reng a ni.

Humans Of Bombay chuan he chanchin hi Instagram ah an dahchhuak a, Manu tia hriat chuan a pa a damkhawchhuah ve theih nan a organs chu hlan in, a pa tan a thin (liver) chu a pe tih hriat a ni.

Manu pa hi zu pawh in ngailo leh zial pawh zu ngai lo a ni a, mahse Thin (liver) ah harsatna a tawk tlat. Doctor te pawh in a natna chuan zual lam a pan zel a, thin thlak tu tur an hmu zo lo a nih chuan thla 6 bak a nunna in a daih tawh loh tur thu an hrilh.

Doctor in a pa dinhmun dik tak a hrilh chuan Manu chu a meng phar nasa hle a. A pa in “thih ka la duh lo a sin, i graduat hun tal hmuh ve ka duh a ni” a tih te chu a bengah an ri nawn tluk tluk bawk.

Damdawiin ah a pa hi Coronavirus vangin hruai a ni zui a, an chhungkaw thil tawn chu a beidawnthlak hle. Manu chuan ngun taka ngaihtuah hnu ah a pa damna turin a thin (liver) chu donate a duh ta a ni.

“Ka pa tawrh na kha ka hmu thei lo. Chhungte hnen ah ka pa nunna hi keimah in ka chhan dawn a ni tiin ka hrilh a, ka thin (liver) chu pek ka tum tih ka sawi. Vanneih thlak takin Donate tur hian a lo rem hlauh mai a ni” a ti a, a pa chuan Surgery chu fuh lo palh tase a chungah thil eng emaw thleng se a inngaihdam theih dawn loh thu a hrilh chung pawn a pe lui ta tho a ni.

A thin (liver) hi 65 percent chu a pa a pe a, Surgery neih zawh hnua a harh leh ah Doctor in hlim hmel taka nui chunga a pa nunna a chhan thu a hrilh chuan a biang ah lawmna mittui a luang tih a sawi. Surgey neia a pa hnena a taksa peng a hlan ni tak hi Father’s Day a lo ni kher bawk a, Pa te ni a thil pek hlu ber zinga mi a ni thei hial awm e.