Mizo Elite News hi ṭha i tihzawng a nih chuan min lo Follow dawn nia

A Pa Ngeiin Midang Hnenah Vawi 3 Hralhin Pawngsual Rawn A Tawk

India ram hi zawng nitin mai hian pawngsualna thleng hriat tur hi a awm deuh ngei ngei ziah. Maharashtra a tleirawl hmeichhe kum 17 lek chuan Police hnena thubuai a thehluh ah a hringtu pa ngei in mipa hrang hrang hnen ah vawi 3 lai a hralh thu sawiin hralh a nih hnu ah pawngsual a tawk thin tih a thlen.

Complaint na atanga a landan in mi 8 inhnamhnawih te lakah thunbuai hi ziahluh a ni a, thubuai awrh tir te hi hmeichhe pa, a nu hrawn leh mipa 3 bakah hralhna kawnga puitu hmeichhia te lakah Indian Penal Code leh Protection of Children from Sexual Offences (POCSO) Act. in Case siam a ni.

Tuartu tleirawl a hming tarlan loh hi a ni (aunt) chuan a chhanchhuak a, a pa in sum siamna atana a hman thu hi zep nei lovin a Ni hnen ah hian a lo hrilh. A pa hi inhlawh chawp ve mai a nia, sum hmuhna kawng dang a nei lo.

Sum a duh luat vangin a fanu ngei pawh hralh mai a pawi tilo. Tisa chakna tur hrikthlakna zawn hmuh sak thin tu hmeichhia kaltlangin Rajasthan’s Kota a mipa pakhat hnen ah a hralh phawt a, Kota ah hian thla khat dawn tleirawl khawngaihthlak hi a hmelhriat miah loh bulah a cheng a, pawngsual a ni.

Vanduaithlak takin a damlo a, a lei tu pa hi a hriselna chungchanga a hlauhthawn vangin Hadgaon ah a thawn kir leh. A hnu reilo ah Nandurbar a mi chuan Rs 2 lakh a lei turin a remti a, thla 8 chhung pawngsual a tawk.

Mahsela a leitu pa hian pawisa a pek tlak theih loh vangin a pa hian a la let leh a, Satara a mipa pakhat hnen ah a vawi thum nan a hralh leh a ni. Leitu pa pawh hian thla chuang teh meuh a pawngsual leh, hetah hian a Ni chu be pawp in a ni hian a dinhmun khawngaihthlak tak atang hian a chhanchhuak ta a ni.

A chunga a pa in a thil tih leh a nun zawng zawng a tihchhiat sak vek vangin hremna pek ngei a duh a ni.