Mizo Elite News hi ṭha i tihzawng a nih chuan min lo Follow dawn nia

A pa Jail bang a zut laiin ka enkawl a mahse Ronaldo nen an intawn tak chin atang min thlahthlam tiin Georgina patea chuan a sawi

Ronaldo bialnu duhlai Georgina Rodriguez chuan a Netflix reality series ‘I Am Georgina’ premieres ah Cristiano Ronaldo nena a suangtuahna ‘dream life’ chungchang te a puan mek laiin a chhungte lam atang nasa taka puhchhiat a tawk.

Georgina Rodriguez patea Jesus Hernandez chuan Georgina chu pawnlam a lan ang ngawt a nih loh thu a puang a, a mize tha tak anga a lanna phen ah hian thil tam tak inphum ru a awm tih a sawi.

Jesus Hernandez hian Georgina chu a pa Jail bang a zut lai khan enkawl in a chawm a, mahse Ronaldo nen inkawp a nun nuam zawk a neih hnu in mihrang ang hlak ang an nih chhoh tawh thu a sawi a, Georgina hian a ngaihven zui tha duh tawh lo ati.

“A pa Jail a tan lai khan enkawl in ka tuamhlawm a, mahse tunah Ronaldo nen an inzui hnu chuan min theihnghilh tawh. A neih engmah hi kan eipui lo a, engmah ka dil ngai hek lo. Keini aia a awm theih tak vang hian min zahpui a ni mahna” tiin Jesus Hernandez hian a sawi a, Ronaldo nen an inkawp hnu ah vawi 1 nge vawi 2 emaw chauh an inbia a, hemi hnu atang chuan a reh zui vang vang ati.

Jesus Hernandez hian a sawi zel danin Georgina hi a tleirawl lai khan a unaunu nen a enkawl a, thuamhnaw te leiin an tui leh electricity thleng in a pek sak. Spanish TV hnen ah Jorge boral thu pawh hrilh hriat an nilo a, engvanga hrilh lo nge a ni tih Georgina hi zawh a duh thu a sawi bawk.

A patea bakah hian a unaunu (half-sister) Patricia Rodriguez, 33 pawhin a fapa piancham ah Cristiano kawr sign na a dil a, mahse Georgina hian a theih loh thu in chhanna chhumbung tak a pek thu a sawi ve nghe nghe.

Georgina hi a tleirawl lai hun chhui kir chuan a lainatawm ve hle. Jaca,north-east Spain atang a seilian a, kum 5 a tlin hma in a pa chuan Spain atang ruihhlo tawlhruk thubuai ah man ani. Ballet dancer lam kawng zawhin London a English a zir hnu ah Bristol ah hun eng emaw chen a awm. Hemi hnu ah Spain ah kir leh in Gucci store atang ex-Real Madrid star Cristiano nen an intawng ta a, a hringnun chu zankhat thil thu ah a inthlak danglam ta hlawk ani.