Mizo Elite News hi ṭha i tihzawng a nih chuan min lo Follow dawn nia

A Pa In Online Class Neihna Tura Harsa Taka Smartphone A Lei Chu Misual Ten Ruk Sak An Tum A Huaisen Takin Alo Beilet

“Smartphone hi awlsam tak in kan nei ve thei lo a, Online Class neihna tura ka pa in rim tak leh hah taka hna thawk chunga a lei a ni a, ka ngaihlu a ni” tiin he hmeichhe naupang huaisen hian a sawi.

Kum 15 lek mah nise a thil tih erawh puitling te pawh in an ngam loh tur a ni. A huaisen em avangin thawk leh khat ah India ramah a lar hluai nghal a, Internet ah te a video a darh nasa hle.

Punjab’s Jalandhar a mi Kusum Kumari tia hriat a ni. Khawlai ah mipa pahnih Bike a chuang te chuan a smartphone hi ruk sak tumin a kut aṭanga laksak in an tlanpui.

Kusum Kumari hian a Phone an laksak lai chu a thlir liam reng reng lo, an hnungah um in theihtawp in a phone neih let tum chuan a beilet. Rukru te hian hriamhrei hial an che lek a, chuti chung pawn he hmeichhe naupang Kusum hian a beidawnsan duh lo.

A hnu ah chuan midang te chuan an ṭanpui thuai a, rukru pakhat zawk hi Police in man in pakhat zawk erawh Bike in a tlanbo hman.

Kusum Kumari te hi chhungkaw awmthei an nilo a, a pa hi nitin kawla ni chhuak chhiara inhlawhchawp ve mai a ni. Harsa takin a fanu tan hian Smarphone a leisak a. A pa in Smartphone a leisak dan hi Kusum Kumari hian a hrechiang hle a, zum leh hriam pawh in lo bei mahsela a smartphone chu chan a tum reng reng lo a ni.

Thil thlen hnu hian Private damdawiin ah enkawlna a dawng a “Ka phone a awm loh chuan engtin nge lehkha ka zir ang? Ka zirlai thil pawimawh zawng zawng a awm vek a, khami tel lo kha chuan lehkhazirna tur kawngdang a awm lo. A chhan chu phone dang leina tur kan nei zo tawh lo” tiin damdawiin khum aṭang a sawi.

Thil thleng hi a video Social Media leh Internet a phochhuah a nih hnu ah mitam tak in he hmeichhe naupang huaisen tak hi an ngaisang hle. A huaisenna vangin Smartphone thar leh laptop hial a hlawhchhuah phah a, a pa Sadhu Ram chuan mi inphal te zarah Rs 55,000 vel dawn sum leh pai an hmuh tawh thu a sawi bawk.

The Tribune & IT