Mizo Elite News hi ṭha i tihzawng a nih chuan min lo Follow dawn nia

A Nupuiin In Freezer A Fries A Dah Theihnghilh Vang Maia Tihlumin A Ruang Chansawm

BBC News in a tarlan zet chu hriat a nuam lem lo khawp mai. England a mi pa pakhat Thomas McCann, 49 hian a nupui, a childhood sweetheart” Yvonne, 46 chu a rehhlum hnuah a ruang a sawisa chiam tih hriat a ni.

Kum 24 zet an innei tawh a, mahsela rei tak chhung nupa an nihna chu thil ho te vang maiin a chhe ta vek, an nupa inkarah inhmuhthiam lohna leh inhauhna a thlen phah ta hial.

Yvonne hian a tum reng vang pawh nilovin freezer ah french fries a dah theihnghilh a,hei vang hian a pasal McCann chu thinrim in a rehhlum hnuah chemin a nupui ruang chu hmun hrang hrang ah a chansawm.

A nupui ruang a chansawm te hi garbage ah dahin a paih a,thil thlen atanga ni 2 hnuah ui kaia kalchhuak pakhat chuan Yvonne ruang hi a va hmuchhuak.

Yvonne ruang hi bag 8 zetah thliar hran a hmuh a ni. McCann hian rinhlelh a nih lohna turin a nupui hming hian an fa hnenah amah nen an inhauh vanga in chhuahsan angin message alo hnuchhiah bawk. Amah pawn Police te ngei bia in a nupui a bo thu hi a report nghe nghe.

Mahsela Police ten an chhuichian hnu ah surveillance video atang an manchhuak a, McCann hian thil eng emaw khaia in a chhuahsan leh truck a a hlang lai an hmu. An nupa inkar hi a tha lo tawh sa hrim hrim a,Yvonne hian mipa dang alo kawpsan thin tih a hrechhuak.

A tirah chuan McCain hian a nupui a thah thu hi a pha a, mahse a hnu ah a kut ngeia a thah thu leh a ruang chu bawlhhlawh ang maia a thehthang tak thu a sawi. 30 March 2021 khan a damchhung Jail tang tura chungthu rel a ni.