Mizo Elite News hi ṭha i tihzawng a nih chuan min lo Follow dawn nia

A nupui raipuar te nen an chhuahdun hnuah Pogba a Positive tih an puang, France squad aṭang la chhuak

Manchester United star Paul Pogba chu Premier League player zinga Coronavirus positive thar lam ber a ni.

Chelsea lam in positive test an puan hnu ah Pogba chuan hripui a vei tih an puang ve leh. A nupui raipuar mek Maria Zulay Salaues leh a ṭhiante nen zan an lenchhuah hnu ah niin Inrinni zan khan London a Cipriani Restaurant ah hun an hmang ho.

Pogba hi tunah a inkhunghrang ve nghal a ni. Nilaini a pre-season preparations neih turah pawh a tel thei lo ang.

Hetia hripui in a man ve leh tak vang hian Nations League matches pawh a hmachhawn thei dawn lo tih manager Didier Deschamps chuan a sawi. Rennes midfielder Eduardo Camavinga chu Pogba thlaktu ah a ṭang dawn a

“List hi last minute tak tak a siam danglam leh a ni. A chhan chu Pogba kha list a tel tur a ni” tiin Deschamps chuan reporters te a hrilh a, Pogba chu a ṭhatchhuah leh vat vat a duhsak bawk.

DM