Mizo Elite News hi ṭha i tihzawng a nih chuan min lo Follow dawn nia

A Nupui Raipuar Lai Leh A Fanu Thattu Pa Chu A Phu Tawk Hremna Pek A Ni

Singapore a chhungkaw pakhat chunga thil thleng rapthlak tak mai hian mi a ṭhawng dawt mai. A nupui leh a fanu te bakah an naute piang tur leh zel nunna laksak tu Pa chu a phu tawk hremna pek a ni.

Teo Ghim Heng, 45 tia koh chuan a nupui Choong Pei Shan, 39 chu pawisa chungchang vel vanga an inhmuhthiam loh hnu ah towel hmangin a rek hlum a, Choong Pei Shan hi a pasal in a thah lai hian thla 6 mi nau a pai mek bawk.

A nupui nunna a laksak hnu hian ala duh tawk mai lo a,hlauthawng leh thlaphang taka lo thlirtu a fanu kum 4 a upa Zi Ning pawh a tihlum ve nghal tih Channel News Asia chuan a tarlang a ni.

Hetia a nupui leh fanu a thah hnu hian an ruang hi chawlhkar chhung teh meuh a lo mutpui tih hriat a ni a, Daily Star chuan Teo Ghim Heng hi Singapore ah November 12 khan a chungthu ngaihtuah in thi tura tih a nih thu a puang.

Teo Ghim Heng hian thih hnu piah rama a nupui fanu te nen intawk turin amah leh amah pawh intihhlum a tum fo tih a sawi a, mahse puitlin theilo in a hlawhchham tih a sawi.

Heng hi property agent ah hna a thawk a, a tirah chuan an che fuh chho ve reng. Mahsela pawisa khelh te ching chho in sum ah chuan harsatna namen lo tawk in leiba in a tlakbuak.

An nupa inkar reng reng a hlim thei lo. Pawisa an neih loh vangin School aṭang an fanu pawh an chawlhtir. Heng hian a fanu ngei pawh hi a fa a nih leh nih loh a ringhlel ṭhin tih hriat a ni bawk a, a chhan pawh October 2014 khan a nupui hi mipa dang nen a lo phawk vang a ni.

A chhungte that mang vek tu hian mi pahnih mai nilo an fa piang tur thlenga a thah vangin a hremna hi a nep thei lo.

Mirror