Mizo Elite News hi ṭha i tihzawng a nih chuan min lo Follow dawn nia

A Nupui Raipuar Chu Exam Centre Ah Hruaiin Scooter Chauhin Km1,200 Zeta Thui An Tlan

A nupui chuan zirtirtu hna chelh se tih a duh a, harsa leh hrehawm tak karah Exam Centre lam pan in an nupa in zinkawng thui tak an zawh dun.

Tribal nupa Dhananjay Kumar (27) leh a nupui Soni Hembram (22) te chanchin hian ngaihven a hlawh hle. A nupui Soni Hembram hi Exam pe tur a ni a, hrileng vangin lockdown an puang a, zin veivahna turin lirthei train leh bus te chu an kal tawh lo.

Hei vang hian a pasal Dhananjay Kumar chuan Scooter hmangin Exam neih na tur hmun lam a pan pui a,1,200 Km zeta thui an lo tlan a ni.

An awmna hi Jharkhand a ni a, Exam neihna hmun tur hi Madhya Pradesh ah daih a ni. Zingkawng bumboh tak zawh in Ganta Tola village, Godda district of Jharkhand aṭang Gwalior – the centre for DEd (Diploma in Education) hi an pan vang vang.

Rel leh bus te an service theih loh vang in kawng dang duhthlan tur an neih loh thu an sawi. “train emaw bus emaw zin veivahna ang chi engmah a awm tawh silo a,two wheeler hmanga kal mai loh chu tih theih dang kan neilo. Ka nupui hi raipuar lai mek a ni bawk a scooter ringawta zinkawng thui tak zawh chu a ngam chiah lo. Mahsela ka tumruh em vangin kal a duh ta chauh zawk a ni” tiin Kumar hian TOI te a lo hrilh.G

“Gwalior thleng tura taxi hire chuan a chawi a sang dawn lutuk a, Rs 30,000 zet a ngai dawn a. Kan thil neih hlut tlereuh ang te lo dahkham ta pawh ni ila Rs 10,000 chauh a ni si. A senso kan tlin dawn lo a ni” tiin a sawi bawk.

Kumar hi cook leh chaw semtu hna a kawp. Mahsela lockdown vangin thla 3 liam ta khan a hna hi a chan a ni.

Exam pe tura an zinkawng zawh dan hi district administration beng a thleng a. Gwalior collector, Kaushlendra Vikram, Singh chuan district’s women empowerment officer, Shaleen Sharma hnen ah Dhananjay Kumar te nupa ngaihven tur hian a ti a, sum leh pai ṭanpuina thleng an hmu dawn. Hei chauh a nilo an awmna luah man leh ei tur thlengin administration hian an tum sak ang,ultrasound tihna tur leh an khaw lama an haw leh dan tur thlengin an buaipui dawn bawk tih an tarlang.

IT