Mizo Elite News hi ṭha i tihzawng a nih chuan min lo Follow dawn nia

A Nupui Raipuar Chu A Hmuh Lai In Lirtheiin A Su Hlum, A Naute Zaichhuah Sak A Ni

“Ka fanu chauh hi ka neih chhun a ni tawh” tiin a pasal chu rilru na takin a ṭap a, a nupui chu mittui nen a thlahliam.

California ah Yesenia Lisette Aguilar, 23 leh a pasal James Alvarez te chu Thawhlehni chawhnu a Anaheim a an chhuahna ah DUI driver Courtney Pandolfi, 40 chuan a jeep khalh chu thunun zo lo in Yesenia Lisette Aguilar chu a su a, a nunna chanin a boral phah ta a ni.

Yesenia Lisette Aguilar hian chawlhkar 35 a upa naute a pai mek. A boral vang hian a naute pai mek hi Doctor te chuan a nunna chhan in a pum aṭang an zaichhuah sak.

Naute hi neonatal intensive care ah a awm mek. A dinhmun a ṭha vak lo hle a, thluak lamah harsatna a tawk bawk. Alvarez hi a fanu hrisela a damchhuah theih nan ṭawngṭaiin “a ni chauh hi ka neih chhun a ni tawh” a ti.

Alvarez chuan a nupui nen hian an fa nei tur hi an hlim ve zia leh an phak ang tawka an inbuatsaih nasat ve zia a sawi a, naute nei tur hian kum 2 lai an lo bei tawh tiin mahsela beisei loh taka an chunga vanduaina a thleng ta chu a rilru a na tak zet a ni.

“Mangchhia mai ni se ka va ti em. Mahsela a tak ngei a ni si. A ni chu a awm tawh lo. Ka fanu chauh hi ka nei ta” tiin lungchhia leh hrehawm takin alo sawi a ni. Jeep khalh a sutu hmeichhia Courtney Pandolfi lakah tualthah vangin thubuai an siam sak bawk.

DM