Mizo Elite News hi ṭha i tihzawng a nih chuan min lo Follow dawn nia

A Nupui Ni Mai Tur Chu Stage Ah Lam Tura A Tih Luih Vangin Monu In Inneihna A Titawp Hmiah

Inneihna ah hian mipa te tan phur over leh lutuk chiam chi a nilo, a hun leh a hmun a zir zelin khawsak thiam a pawimawh hle.

India ram Uttar Pradesh a Tikri khua ah chuan inneihna buatsaih a ni a, nupui nei mai tawh tur mo neitu chu inneihna ah hian zurui chungin a thiante nen an kal a ni.

A nupui ni mai tur kum 22 a upa chu nupa an la nih hma leh inneih hunserh tan a nih hma in a zurui phur lutuk in lam (dance) turin a nawr lui chiam a,a nupui tur in a chetdan chu a huat zawng tak alo nih vangin pasal atan a nei leh duh lova inneihna hmun atang a tlanchhuak.

Monu chhungte hian an makpa mai tur chet dan chu an duh lo hle a, Police lam hial pun in hmeichhe lam hian mopa chhungte hnen a inneih thuamchhawm an pek zawng zawng pawh pe kir leh vek turin an hriattir nghal.

Mo neitu tur chhungte lam pawn inneih chu chhunzawm hram turin an duh a, amaherawh chu thil thleng zawng zawng ah monu te lamin inneihna chu kaltlang an duh lo bur tawh a ni. Hei vang hian inneihna hi an thulh ta nge nge thu Times Of India in a puang.

A thian te hmuh laia in lak eng emaw a duh lutuk luatah a nupui tur a chan phah der. Nun uluk hi kawng engkim ah a pawimawh hle a ni.