Mizo Elite News hi ṭha i tihzawng a nih chuan min lo Follow dawn nia

A Nupui Nen An Inkar A Tawp Hnuah An Chenna In Hralh A Ni Tur Chu Duh Lovin A Hal

United Kingdom ah chuan mipa pakhat chuan an chenna in ngei chu hal in £550,000 man hu chu a tichhia tih hriat a ni a, a chhan pawh a nupui nen a an inkar thu ah a lungawi loh vang a ni.

Investigation an neih atang in he In a kangmei chhuah chhan hi tihpalh nilo in hal luih ngei a chhuak a ni tih hriat a ni. An chenna in hi Kennford a awm a ni a, John McCorry leh Hilary te hian kum 20 lai an luah tawh.

Inthen zai an rel dawn takah chuan an in chu lilam a hralh a ni dawn a, mahse John McCorry hian chutia an in hralh a ni tur chu a ngai ngam lo. A nupui chuan a zatve a chang dawn a. Hralh a nih tak tak hma ni 3 la awm ah chuan an In chu a hal kang ta hluah a ni.

Kangmei a tihchhuah hma hian zu a in hmasa te te phawt a, workshop atang a hal zui niin an sawi. Fire department pawh a koh duh loh bakah thelh tur pawh in a che chhuak duh eih lo a, kangmei chhuak chu alo uipui tuilian thlir deuh ringawt.

A nupui in thil thlen hmaa a bungrua a thiarchhuak tur pawh alo phal lo. A nupui Hillary chuan a chhuahsan vangin a thinrim a, a huatna lantir in a pasal hian an chenna hi a hal niin a ring hmiah.

Court ah erawh chuan McCorry chuan kangmei chhuah chhan ah hian a pha nasa hle a, inthen a duh loh thu leh an chenna in chhuahsan a duh loh zia te ala sawi fan.