Mizo Elite News hi ṭha i tihzawng a nih chuan min lo Follow dawn nia

A Nupui Nen An Inṭhen A Nupui Dang 2 A Nei Ṭhawt

Hmangaihna lamah a duham uchuak bik mah mah em ni aw. Nupui pakhat chauh a duh tawh lo a, a hmangaihna chu a sem zai kual vel mai mai a nih hi.

Pennsylvania, Newtown a cheng Shai Fishman (kum 46) hian a nupui dik tak a pawm lai ṭhen in hmeichhe dang 2 te chu nupui atan a nei ṭhawt mai.

A nupui Danielle (kum 42) nen hian kum 19 chhung an inei tawh a, an nupa karah fa pawh a piang tawh hial nghe nghe.

Mahsela Shai Fishman hian mi 3 inneihna a mi biangbiakna Big Love & Polyamory And Married a en hnu in nupui pakhat mai chu a duh khawp ta lo. Hei vang hian a nupui Danielle nen an inhmuhthiamloh phah bawk.

A hnu ah mi 3 inneihna leh hmangaihna chu a chhin ve ta a, amaherawh chu thla 7 hnu ah a nupui dik tak Danielle chuan ngai thei ta lovin a pasal Shai hi a ṭhen ta a ni.

Daniel a ṭhen hnu chuan Shai hian hmeichhe dang 2 te chu nupui ah a nei zui. Nuthlawi kum 40 mi Lea nen an innei phawt a thla 5 hnuah nuthlawi dang vek kum 41 mi Krissy nen an innei leh. An pathum hian inngeih takin an khawsa a, thinlung hmun khat in an awm ho a ti bawk.

Ṭha takin la awm tlang dial dial mahse a nupui pahnih te hian nakin ah chuan inhmuhthiam loh hun a la thleng ngei ang a, an buai pherh ve hle mai thei a ni.