Mizo Elite News hi ṭha i tihzawng a nih chuan min lo Follow dawn nia

A Nupui In Tukthuan Ei Tura A Kaihthawh Vanga Thinrimin Tuiso In A Nupui A Leih

Nupa inkar ah chuan a changin inhmuhthiam lohna hi thleng tur ve reng a ni a, thu ho te te anga ngaihah pawh hian buaina nasa zawk a siam phah thei thin a ni.

Turkey a Konya a cheng pa pakhat Ali Ay, 28 an tih chuan thil ho te vangin a nupui chungah a thinrim a, a nupui in tukthuan ei tura a kaihthawh avang maiin tuiso in a lo theh/leih a ni tih hriat a ni. Hei hi January 9 a thleng kha a ni.

Mirror UK in a tarlan danin a nupui Rukiye Ay, 23 hian a pasal Ali Ay tan hian tukthuam buatsaih sak in atan thil special tak alo ruahman. A pasal hi Surprise tuma a mu lai a kaihthawh chuan a lakah alo thinrim ta hlur mai.

Rukiye Ay sawidanin a pasal hi a thinrim em em a,engvanga kaitho nge a nih tih zawtin tibuai lo tura a hrilh hnu ah a fanu nen tukthuan chu an kil dun. Mood fuh lo taka a thawhchhuah hnu ah inthen a duh thu leh a fanu enkawl phalna hial a sawichhuak. Tichuan, a inrin loh laiin a pasal hian tuiso in a theh a, a hmaia leih a tum chu a hawisawn lai lo ni nen a hmai ah nilovin a hnung ah a theh/leih zawk.

A pasal in tuiso a a beih vang hian Rukiye hnung hi a kang nasa hle. Hliam tuar chungin theihtawp chhuahin thenawm ah a insa seng thei a, damdawiin ah enkawl nghal a ni. Ali Ay hi man a nih hnu ah bail in an chhuah leh. Mahse mipui lam atang nawrna a nasat em avangin man nawn leh a nia, a phu tawk hremna pe ngei turin an phut. An nupa hian kum 5 lai an lo innei tawh tih hriat a ni bawk.