Mizo Elite News hi ṭha i tihzawng a nih chuan min lo Follow dawn nia

A Nupui In Thlalak A Thawn A Hmuh Rualin Inthen A Duh Nghal

Portuguese nupa tuak te chanchin hian Internet hmangtu netizens te ngaihven an hlawh khawp mai. Tomas leh Iris te nupa hi a hma chuan nupa duhawm leh inhmangaih tak tia sawi an nia, an thian te pawh in an chhuang ru ve viau thin a, an inthen pawh an ring lo hial a ni.

Iris pawh hi hmeichhe hmeltha ve tak a ni a, Tomas pawh mipa tha tak a ni ve bawk. Tomas hnathawhna vangin an nupa chu inhmuhtheih loh chang an nei fo a,kum 2 lai an inneihna atang liam tawhin chawlhkar tawp a piang ah erawh chuan inhmuhna hun an nei. A nupui a hmuh loh rei deuh pawh in Tomas hian a rintawk em vangin a ringhlel ngailo.

A hnathawhna ah a tluang a, a nupui Iris tihlawm nan sum tam tak a thawkchhuak thur thur a ni. Amaherawh chu hun an liam chhoh zel chuan an awmhranna chuan an nupa inkarah khi a siam chhoh phah ta a, inhnial chang an nei ta fo mai. Tomas pawn a nupui lungawilo chu hmuh hrehawm a ti a, a hna pawh chu a chawlhsan phah zui hial bawk. A nupui thawidam nan a hnathawh lai a bansan atang reilo ah chuan an chenna in hnai ah hna a hmu leh thuai a ni.

Rim leh taima taka hna a thawhna a pawisa alo khawlkhawm hmang chuan chenna in thar pawh a lei ve thei ta a, a nupui chu thawn thut tumin hrilh hre hmasa lovin chawlhkar tawp lamah surprise alo tum rilru ve a ni.

Chutia a tha ber tur anga a inruahman ve mek lai chuan nikhat chu a nupui nen WhatsApp hmangin an inbia a, an inbiakna ah chuan Iris hian khuma a thutna thlalak chu a pasal Tomas hi a thawn. A pasal hnena thlalak a thawn erawh a thiltihsual leh an nupa inkar ti chat tu a nih phah ta a ni.

Tomas hian a nupui in a thlalak a thawn chu a han enthuak chuan engmah danglam vak a hmu hran lo a. Mahsela chiang zawka thlalak an en nak chuan thil diklo inphumru chu a hmuchhuak ta hlauh a ni.

A nupui thlalak chuan nasa takin a ti thinur ta tum a, alo hmangaih em em leh a hlimna thlensak loh a hlauh ngawih ngawih hial a nupui thutna khum hnuai atanga mipa kut ni ngei a hriat chu a lo pharchhuak a ni. Hei vang hian Tomas chuan Iris in a awmloh hlan in mipa dang a khawsak pui thin ni ah puhin inthen a duh ta nghal rum rum. A nupui in mipa dang laka a rinawmlohsan vang hian a tangnem a bei leh tur in a ngaidam thei tawh bik lo.

Nupa inkar ah chuan hmangaihna bak ah rinawmna leh inhriatthiam tawnna hi thil pawimawh tak a ni a, rinawmna vawikhat hloh a nih tawh chuan nupa inkar hi siam that mai a harsa tawh thin a ni.