Mizo Elite News hi ṭha i tihzawng a nih chuan min lo Follow dawn nia

A Nupui In A Thah Tak An Fapa Chawlhkar 8 A Upa Ruang Dahna Kuang Chu Pawmin Mittui Nen Damchhung Atan Inhmu Leh Tawh Lo Turin A Mangtha

North Belfast a Ardoyne area ah tualthahna a thleng a, naute kum pawh la tling lo chawlhkar 8 leka upa Liam O’Keefe chu a hringtu nu ngeiin rawng takin a that.

Naute nu Raluca Tagani hian a fapa Little Liam O’Keefe hi an chenna in ah a vit a, ka pawh chhawn lovin a boral tih an sawi. A fapa mai bakah hian a fanu kum 2 a upa Kayla pawh a vit tel a, mahsela Kayla erawh in a nunna a chan lo hlauh. Damdawiin ah a hliam te enkawl tura hruai a ni.

Raluca Tagani in a fate a beih lai hian pa ber Liam hi Belfast a a awm loh lai a ni a, chanchin duhawmlo thleng a hriat rual hian England atang an chenna ah a kir nghal. In a thlen chuan a fapa chu thawk pawh a lo thaw tawh lo a ni.

Liam hian a fapa hi a tawp nan vuina hun hmangin, hetah hian a thian leh chhungten an tawiawm a, Little Liam O’Keefe vuina ah hian a thlah nan a thlalak chuanna Jumper an inbel vek bawk.

A fapa ruang dahna kuang chu lungchhe tak leh mittui tla chungin Liam hian a pawm/keng a, vuina thlalak lo hmu tu a piang te chuan thihna vanga Pa thinlung kehsawm chu a nat tur zia an lo hriatthiam pui hlawm hle a ni. A ruang hi Roselawn Crematorium ah an zalh a. Tualchhung mite chuan an tawrhpui zia tihlan nan Little Liam O’Keefe vuina senso atan hian sum leh pai £3,430 ai a tam an thawkkhawm a ni.

Naute nu Raluca Tagani hi a fapa thah leh a fanu pawh tihhlum tuma hliam a tawrh tir vangin thubuai an siam sak a, custody ah hren mek niin kar kalta vek khan Belfast Magistrates Court ah a inlan tawh. A chungthu hi ngaihtuah fel nghal theih chi a la nilo a, August 27 ah Court a inlan leh tura tih a ni.Liam O’Keefe thihna hi an chenna a mite pawh in an tuar tak zet a, khawlai ah a pual in sunna hun an hmang hial a ni.